ညို: 27.09.11

ချာတိတ်

ပန်းပွင့်ကိုမြင်
ပန်းမထင် ရင်မှာထိတ်။

လမင်းကိုမြင်
လမထင် ရင်မှာထိတ်။

စမ်းချောင်းငယ်မြင်
စမ်းမထင် ရင်မှာထိတ်။

ပန်း, လငယ်, စမ်းတွေ မေ့စဉ်ပေါ့
စိတ်မှာထင် ၀င်လာစိုးပြီး
ကိုယ့်ရင်မှာ သူလေတိုးတယ်
ဆိုးတဲ့ချာတိတ်။

ရဲထိန်
(၁.၁.၉၁/၁၂း၂၈း၅၅)

သံယောဇဉ်

“သံယောဇဉ်”............တဲ့
စကားလုံးအဖြစ်နဲ့သာ လှပနေခဲ့တာပါ

ချစ်ခြင်းတွေနဲ့သံပတ်တင်း
နှလုံးသားနဲ့ ရင်းမိပြီဆိုမှဖြင့်
ကုစားမရ ဖြေသိမ့်မရ
နောင်တတွေ တပွေ့တပိုက်နဲ့
ကိုယ့်မာနကိုယ် အခါခါရိုက်ချိုးရင်း
ဘ၀ကို အမှောင်ချ
လောင်သမျှ သောကမီးကို
ရင်စည်းသာခံ..............

ဆည်းဆာနေ

ဆု

အားလုံးပျောက်ဆုံးသွားခြင်းဟာ

အသစ်တခုအစပျိုးခြင်းဆိုရင်.......

ရင်ထဲမှာ မွန်းကျပ်နေသလား....

ရင်ထဲမှာ လစ်ဟာနေသလား...

အနာသည်းလို့ပဲ နာကျင်မှုမရှိတော့တာလား.....

ဝေခွဲမရတော့တဲ့နောက်

ငိုရှိုက်သံတခုနဲ့အတူ

ငါ့ကိုထားခဲ့ပါတော့ချစ်သူရယ်...

မောင်ပါလ

ဆု

တစ်ယောက်တည်း...
အလွမ်းတွေ .. ဖန်တီးစရာမလိုပဲ
လျှံလျှံကျလာတဲ့အခါ ...အထီးကျန်မိတယ်...
.အတွေးထဲ...
စိတ်ကူးတွေ ...ဖန်တီးစရာမလိုပဲ
ချစ်သူရောက်လာတဲ့အခါ....
.ကြည်နူးမိပြန်တယ်...
.လောကဓံရဲ့ ...လှိုင်းဂယက်ထဲ
ဘ၀တွေ လက်ပစ်ကူးနေရတဲ့အချိန်မှာ
“အချစ်က ချိုမြိန်တယ်“ ဆိုတဲ့ စကားကို
ဟာသလားလို့ မေးချင်မိရဲ့.......
ကံကြမ္မာရယ် ....ငါ ငိုချင်တယ်
လူခြေတိတ်မှ ရွာတဲ့မိုးလို
လူမမြင်သူမမြင်ငိုချင်တယ် ......

ချစ်သူ...သို့

ကဗျာရှည်ကိုရေးပြီး
အလွမ်းတွေကိုတေးမှတ်
အချစ်ကမျှော်လင့်ခြင်းကို ပိုင်ဆိုင်တယ် ...

စက္ကန့်တိုင်းရဲ့ အနာဂတ်မှာ
ချစ်သူရှိနေတတ်သလို
မက်ခွင့်ရတဲ့ အိမ်မက်တိုင်းမှာလဲ
ချစ်သူနားခိုနေတတ်ရဲ့ ...

နံနက်ခင်းတိုင်းရဲ့ မျက်လွှာအဖွင့်ကို
ချစ်သူအတွက်ရင်ခုန်နေတဲ့
အသက်ရှူသံတွေနဲ့ နိုးထချင်ခဲ့ ...
ချစ်သူအပြုံးတွေကြောင့်
ပျော်ခဲ့ဖူးတဲ့နှလုံးသားမှာ
ကြေးကွဲစရာ သံသယဆိုတာ
နင်သာမဖန်တီးရင်
ငါ့ရင်ခွင်က ထာဝရ
ချစ်သူအတွက်ဖြစ်နေမှာပါ ..... ။

အလွမ်းအော်သံ(၂ )

ရပ်တည်ချက်တွေကြားထဲမှာပဲ
မွန်းကြပ်နေတဲ့ရင်ခုန်သံကြောင့်
ဘ၀ရဲ့လှေခါးထစ်တွေ ခိုင်မြဲပါ့မလား ....
အတ္တတစ်ခုထဲကိုပဲ ယုံကြည်တဲ့
ငါ့အတွက် ...
အသက်ရှူသံတွေက ခါးသက်နေလေရဲ့ ..... ။

တစ်ထပ်တည်းမကျနိုင်တဲ့
ရင်ဘတ်နှစ်ခုကို
အလွမ်းတွေကြောင့်လည်း ...
မချည်နှောင်ချင်ဘူး
သတိရတိုင်း တောင်းတမိတဲ့
ကော်ဖီခါးခါးမှာလဲ ... အပြုံးတွေပဲ
စွန်းထင်စေချင်တဲ့ ဆန္ဒစစ်စစ်ကြောင့်
ထွက်ကျလာတဲ့အတွေးတွေထဲမှာ
နင့်ကိုချစ်မိနေပြီလားလို့
သံသယ၀င်မိတယ် .....

တခါတလေတော့လည်း
နင်ဖွင့်ဆိုဖူးတဲ့သစ္စာတရားကို
မြတ်နိုးချင်ရဲ့
ရင်ခုန်သံမပြယ်သေးတဲ့ နှလုံးသားနဲ့ပေါ့

အတိတ်မရှိစေချင်တဲ့ အနာဂတ်တွေအတွက်
ငါ့က .... ထောင်ချောက်ငယ်တစ်ခုကိုဖန်တီး
နှလုံးသားမြစ်တွင်းမှာ ပိုက်ကွန်ချနေသူ
ကိုယ့်မျှော်လင့်ချက်ကိုယ်အသက်သွင်း
မာနတရားနဲ့အသက်ရှူနေရင်းပေါ့
အလွမ်းခါးခါးတွေအတွက်တော့
အပြုံးတစ်ပွင့်က အားဆေး
နင်ပေးနိုင်မယ်ဆိုရင်လေ
ကိုယ့်အတ္တကိုယ်မြိုချ
ကမ္ဘာပြိုကျလဲ နင့်ကိုလွမ်းမယ် .....

spy.aws

အလွမ်းအော်သံ( ၃ )

အတ္တတွေနှင်ထုတ်ပြီး
ချစ်သူရှေ့ ဒူးထောက်မလို့ပါ ...
so sad ဆိုတဲ့စကားတခွန်းအတွက်
ထိုးနှက်ခဲ့တာရင်နဲ့တောင်မဆန့်ဘူး
ကံကြမ္မာရယ် နင်ကျီစယ်သမျှက
ငါ့ဘ၀ရဲ့
အမှတ်တရအဖြစ်ဆုံးနေ့မှာတဲ့လား .....

မျက်ရည်မကျခဲ့ပေမယ့်
ငိုခဲ့ရတဲ့ရင်ဘက်ထဲက
နှလုံးသားရဲ့ဝေဒနာခြင်း
ထပ်တူကျနေတယ်ဆိုတာ
ညီမျှခြင်းချကြည့်စရာမလိုအောင်
ချစ်သူကိုယုံကြည်နေမိပြန်တယ် .....

spy.aws

အလွမ်းအော်သံ( ၄ )

သတိရလို့ တမ်းတနေမိတာ
ကြယ်စင်တွေအသိပါချစ်သူ
ညတိုင်းမက်ခွင့်ရတဲ့ အိမ်မက်တွေကိုပဲ
ဒီတစ်ညတော့ နှမြောနေမိပြန်ရဲ့ ....

အလွမ်းတွေအတွက် ချစ်သူအပြုံးက
ကဗျာတစ်ပုဒ်ဆိုရင်
ငါ့နှလုံးသားက ကဗျာစာအုပ်ဖြစ်ခွင့်ရချင်တယ် .....

အမှန်အတိုင်းဝန်ခံခဲ့တဲ့ချစ်ခြင်းတွေကို
နင်ရဲ့သံသယမျက်ဝန်းတွေနဲ့တော့
မခံစားစေချင်ဘူး .....
တကယ်တမ်းဆို
နင့်အလွမ်း ... ငါ့အလွမ်း
နှိုင်းယှဉ်စရာမလိုအောင်
နားလည်မှုသံယောဇဉ်ဆိုတာ
ရှိပြီးသားပဲ .....

နင့်ယုံကြည်ချက်လေးတစ်ခု
ငါလိုအပ်သလို ...
နင်တောင်းဆိုတဲ့ချစ်ခြင်းတွေအတွက်
ငါ့ရင်ခွင်ကိုအပ်နှင်းပြီးပြီပဲ
ဘာလိုအပ်သေးလဲချစ်သူ .....

tayngel

အလွမ်းအော်သံ ( ၅ )

ချစ်သူပြုံးတဲ့အပြုံးတစ်ချက်မှာပဲ
ရင်ခုန်သံတွေနိုးထစေပြီ
ချစ်သူကြည့်တဲ့
အကြင်နာအကြည့်တွေအောက်မှာ
နှလုံးသားလေးကရှင်သန်နေတာပါ ...
မဖြစ်နိုင်တော့ဘူးဆိုတဲ့ တစ်နေ့
ငါ့ဆီရောက်လာမှာ အရမ်းကြောက်တယ်
လောကဓံကို တွန်းလှန်ဖို့အင်အားလည်း
မရှိဘူးချစ်သူ .....

လိုချင်မှုရဲ့ရလာဒ်မှာ
လက်ဗလာနဲ့ပြန်ရမှာလည်းစိုးတယ်
အတ္တတွေရော... မာနတွေရော...
အရည်ပျော်သွားတဲ့နှလုံးသားရော
ချစ်သူရင်ခွင်ထဲ အလိုလိုခိုဝင်သွားတာ
ဘယ်သူမှတောင်မသိလိုက်ဘူး ...
ချစ်ခြင်းကို အဓိပ္ပယ်မဖော်တတ်ပေမယ့်
နင့်ကိုစွန့်လွတ်ဖို့တော့
ကြောက်ခဲ့တယ် ..... ။

tayngel

အလွမ်းအော်သံ ( ၆ )

တမ်းတတဲ့အလွမ်းငွေ့တွေအောက်မှာ
အသက်ကို ပြင်းပြင်းမရှူရဲဘူး
သတိရတဲ့အရိပ်ကလေး
ပျောက်လွင့်သွားမှာစိုးလို့ ...

ငါ့နှလုံးသားရဲ့ပျော်စရာစိတ်ကလေးက
ချစ်သူရင်ဘတ်ထဲ
အတောင်ပံတွေဖြန့်ရင်း
တိုးဝင်လို့သွားခဲ့ ...

အာဒမ်နဲ့ဧ၀
စားခဲ့မိတာဘာသီးပါလိမ့်
ချစ်သူရယ် ... နင်နဲ့ငါများ
အဲ့ဒီသစ်သီး မှားစားခဲ့မိပြီလား ...

ရင်ခုန်ခြင်းတွေ ဘောင်မကျော်ချင်လို့
ချစ်သူကို သတိရတဲ့စိတ်ထဲ
အတ္တလေး နည်းနည်းထည့်ဖွတ်မိရဲ့ ...

အဖြူရောင်လွမ်းရခြင်းတွေထဲ
ချစ်ခဲ့ခြင်းကလွဲလို့
အပြုံးတွေကို ရေမရောပါရစေနဲ့ ...

ငါသောက်တဲ့ကော်ဖီတစ်ခွက်နဲ့
မငြိမ်သက်နိုင်တဲ့ နှလုံးသားကြောင့်
ရင်ဘတ်ခြင်းထပ်တူပြုမိတယ်
လွတ်ကျလာတဲ့ရင်ခုန်သံကြောင့်
အချစ်ဆိုတဲ့အရာ ထွက်ကျလာပြန်ရဲ့ .

spy.aws

အလွမ်းအော်သံ ( ၇ )

ရင်ဘတ်ထဲကနာကျင်မှုနဲ့အတူ
စိုစွတ်နေတဲ့မျက်ဝန်းတစ်စုံက
ချစ်သူကိုလွမ်းလို့ငိုတယ် ...

မငြင်းဆန်ချင်တဲ့
သံယောဇဉ်ကြိုးတွေကြောင့်
ချည်နှောင်မိတဲ့နှလုံးသားတစ်စုံမှာ
ထာဝရကံကောင်းခြင်းတွေ
စွန်းထင်နေချင်ရဲ့ ...

ဆာလောင်ခြင်းကင်းတဲ့
မွတ်သိမ်မှုမျိုးနဲ့
အချစ်ကိုရိုးရှင်းစွာပဲ
ခင်တွယ်နေမယ်

ချစ်သူရယ် ...
လွမ်းတယ်ဆိုတိုင်း
အိမ်မက် မက်လို့မှမရဘဲ

ငါကတော့
ပဥာတ်ချက်တွေကို
တန်ဖိုးထားချင်တယ် ....

spy.aws

အလွမ်းအော်သံ ( ၈ )

ချစ်သူပေးဆပ်ခဲ့တဲ့အရာအားလုံးက
နှလုံးသားထဲမှာ နေရာတကျရှိနေခဲ့တာပါ ...
လွမ်းတတ်တဲ့ရင်ဘတ်ကြောင့်
စီးဆင်းလာတဲ့မျက်ရည်တွေကို
နှစ်သိမ့်ပေးဖို့
ချစ်သူရဲ့ရင်ခွင်က
ငါ့အတွက် ထာဝရလိုအပ်ချက်ပါ .....

ဒီနေ၀င်နေထွက်
ချစ်သူကိုမတွေ့ရတဲ့ရက်တွေဆို
ငါ့ရင်ခွင်ပူလောင်လွန်းလို့
နှင်းညတွေတောင်မလှခဲ့ဘူး .....

အိမ်မက်တွေနဲ့ရှင်သန်ခဲ့ပေမယ့်
အိမ်မက်တွေအဖြစ်အဆုံးမသတ်ချင်လို့
ချစ်သူရယ် ...
နင်ခွဲခွာမယ်ဆိုတဲ့နေ့ဟာ
ငါ့ရဲ့နောက်ဆုံးအသက်ရှူသံတွေ
ရပ်တန့်တဲ့နေ့ပဲဖြစ်ပါရစေ ..... ။

tayngel

အလွမ်းအော်သံ ( ၉ )

ရင်နာတယ်ဟာ ...
တမင်တကာဖန်တီးခြင်းမဟုတ်တဲ့
အလွဲတစ်ခုစီတိုင်းမှာ
ပါဝင်ပတ်သက်မှုမရှိရင်
အနာဂတ်တွေက လှနေမှာ ..... ။

ငါမကိုးကွယ်တဲ့မျက်ရည်တွေက
နင့်ကိုလွမ်းတဲ့အခါတိုင်း
ပါးပြင်ပေါ်စီးကျလာတတ်တာ
အကျင့်တစ်ခုလို ဖြစ်နေလေရဲ့ ..... ။

ချစ်သူကို ယုံကြည်ချင်တယ်
အတ္တဆန်တဲ့ကံတရားကြောင့်
ငါ့စကားတွေမေ့ပစ်တတ်တဲ့ချစ်သူနဲ့
ဝေးရမှာလည်းကြောက်တယ် ..... ။

ငါ့ရင်ခွင်ထဲဝင်လာတဲ့နင်က
အချစ်စစ်ဆိုရင် အဲ့ဒီအချစ်ကို
မပေးဆပ်ချင်ဘူး ... မစွန့်လွှတ်ချင်ဘူး
တိတ်တိတ်ကလေးဘဲ လွမ်းမနေနိုင်ဘူးဆိုတာ
ချစ်သူ ... နင်နားလည်ပါ ..... ။

ငါမရှိတဲ့ကော်ဖီဝိုင်းမှာ
နင်အရသာတွေ့နေပြီဆိုတဲ့အခါ
နင်ဖမ်းဆုတ်ထားတဲ့အချစ်တွေဟာ
ငါ့နှလုံးသားတစ်ခုလုံးဆိုတာ
သတိရပေးပါ ..... ။

tayngel

Tuesday, 27 September 2011

27.09.11

Anniversary | Forward this Picture

Anniversary | Forward this Picture ဒီနေ့ ကိုကိုနဲ့ချာတိတ်ရဲ့ ချစ်သူသက်တမ်းတစ်နှစ်ပြည့်တဲ့နေ့............ ကိုကိုက ပြောတယ်.." Happy first anniversary char tate.Our love will go on now and forever." တဲ့.... ချာတိတ်လည်း ကိုကို့လိုပါပဲ...ကိုကို့ ကို အများကြီးချစ်တယ်....