ဒီပတ်ဝန်းကျင်က စွတ်စိုထိုင်းမှိုင်းလို့။
လရောင်ကိုအိပ်မက်ထဲထိ
သယ်သွားချင်နေတဲ့အတွေးနဲ့။
စကားလုံးတစ်ချို့တစ်လေ
လဲပြိုသွားတဲ့အသံကို ငါကြားတယ်။
အဲ့ဒီ့လက်ဖမိုးလေးကို
ဆုပ်ကိုင်ထားရင်းနဲ့ပဲ နေ၀င်။
ယုံကြည်မှုမီးတောင်ဟာ
စိတ်ထဲမှာတင်အကြိမ်ကြိမ်ပေါက်ကွဲ။
မကြာခဏမိုက်ရူးရဲဆန်နေမိခဲ့တယ်။
မွန်းကျပ်နေတာပဲ။
အသိဥာဏ်ထဲကအတိတ်ကို
လက်ညှိုးထိုးပြီးအန်ချလို့ရရင်ကောင်းမယ်။
တစ်စုံတစ်ယောက်ကိုများတွေ့လိုက်မိသေးလား။
လေလွင့်နေတဲ့
အစိုင်အခဲပဲဖြစ်ဖြစ်။
တိမ် ဖြစ်ဖြစ်။ မြူ ဖြစ်ဖြစ်။
မီးခိုးငွေ့တွေပဲ ဖြစ်ဖြစ်။
ဥာဏ်မကောင်းတဲ့ ငါးလေးပါ။
ဖုန်းခေါ်သံပဲကြားချင်နေတဲ့အရူးကို
မြင်ဖူးလား။
အဲ့ဒီ့အရူးက လူကောင်းလိုနေတာသိပ်ကျွမ်းတယ်။
သစ္စာတရားနဲ့လက်တစ်လုံးခြားမှာ
ချာချာလည်။
မပျံသန်းချင်တော့ပါဘူး။
စိတ်ကူးယဉ်ရမယ့်အရွယ်မဟုတ်တော့ပါဘူးလို့......။
ငါဝတ်ထားတဲ့တီရှပ်အမည်းလေးကိုပဲ
တတွတ်တွတ်ပြောနေမိတော့တယ်။
ရန်ကုန်မြို့တော်မှာ
ငါတစ်ယောက်တည်းကိုတိုက်ခတ်ခဲ့တဲ့ မုန်တိုင်းသတင်း။
အတူတကွကျပျောက်ခဲ့ရသော
ဆုံနိုင်ခွင့်။
ဝေးကွာမှုကို အရိုးထိအောင်ခံစားရ။
ငါလည်းပဲ……
အရှိန်ကြီးနဲ့ရပ်နေရတာ မောလှပြီ။
နူးညံ့မှု ၇ ပါးကို
နှုတ်ခမ်းမှာတေ့ပြီး မီးညှိုလိုက်တယ်။
အခုလိုမျိုး.......
တစ်စုံတစ်ယောက်ကိုလိုအပ်နေရတဲ့ရပ်တည်မှုမျိုးကိုလည်း ငါမုန်းတယ်။
တစ်ကယ်ပါ။
ဒီအဖြစ်အပျက်မှာ ဘာသာဗေဒဟာ……
တိုးတိုးတိတ်တိတ်လုပ်ကြံခံခဲ့ရပါတယ်။
အသိဥာဏ်ကိုသုံးစွဲတဲ့သူ
ပျော်နေတဲ့အခါ……
ခံစားချက်ကိုသုံးစွဲတဲ့ငါကရော…… …… ဘယ်လိုနေမလဲ။
ဒီမှာကြည့်!
ငါ ကောက်ရထားတယ်!
ချစ်ခြင်းမေတ္တာလိုလို ဘာလိုလို။
လူဆိုတာတစ်ယောက်စီမနေနိုင်တဲ့
သတ္တ၀ါတွေမို့။ ။
***
လူဆိုတာတစ်ယောက်စီမနေနိုင်တဲ့ သတ္တ၀ါတွေမို့ - စိုင်းခမ်းလိတ်***
-
စစ်နိုင်
a.m 2:40
2.1.2012
Monday
Subscribe to:
Post Comments (Atom)
No comments:
Post a Comment
လာရောက်ဖတ်ရှုကြတဲ့ စာဖတ်သူများ အားလုံးကိုကျေးဇူးတင်ပါတယ်....